بقلم✍️ – ميرا المصري:
الغلط قال للصح ممكن ادخل بيتك
عايز اقعد عندك ليلة بس وفي الصبح قبل ما تطلع الشمس همشي من غير اي كلمة
الصح قاله اتفضل ادخل بيتي بيتك وانت مش غريب واحنا علمونا ان اكرام الضيف واجب…وهو ده اللي متعودين عليه
الصح قاله بس ياريت مطولشي في قعدتك ومتزودشي في اللليالي
والغلط قال في نفسه من جوة…..انا عارفك انت عايز تجيب من الاخر وتقولي امشي
وعدا يوم ….ورا يوم ….لحد ما بقت ايام ….
والغلط قاعد …..وقعدته طولت
لحد ما الصح منه اتخنق وزهق وتعب …وجاب علي اخره معاه
وراح قال للغلط اتفضل دلوقتي امشي من وشي
اتفضل انا بطردك …وفتح الباب وقاله امشي من وشي
الغلط قعد علي الكرسي وربع ايديه وبص علي الصح
وقاله انا مش همشي مهما هتعملي ايه
الصح قعد يفكر هو هيعمل ايه راح فكر يقول لناس عليه وهما اللي يحكموا عليه
وراح قال للغلط تعالي هنقول للناس وهنخليها تحكم علينا
واللي هتقوله الناس هيمشي علينا
وهنشوفو مين اللي هيقعد ومين اللي هيمشي
اي واحد فينا انا ولا انت هنشوفو حكم الناس
هيحكمو بايه علينا
راح الصح حكي لللناس ايه اللي حصل
وسالهم مين يمشي فينا
راحو الناس حكموا وقالو انت يا صح اللي لازم تمشي
مش عايزين نشوفوك قدام عنينا
راح الصح بص عليهم وقال هو ده العدل يا ناس يا بلاش …ومشي الصح …..وقعد الغلط
